சமகால புதிய கவிஞர்களின் கவிதைகள்

சில சம கால கவிஞர்கள்: 

இது இப்போது தமிழ் கவிதையில் என்ன நிகழ்கிறது என ஒரு சோற்றுப் பதம் பார்க்க. இதை நாம் விவாதிக்கப் போவது இல்லை. இதில் இருந்து ஏதேனும் ஓரிரு கவிதைகளை நாம் முகாமில் வாசிக்க வாய்ப்பு உண்டு. இதில் அர்த்தமாகா கவிதைகளை முன்வைத்து கூட வாசகர்கள் முகாமில் பொருத்தமான வாசிப்பு குறித்து கேட்கலாம். இவற்றை தேர்வு செய்தவர் கவிஞர் மதார்.

புதிய கவிஞர்களின் பட்டியல்:

1. சம்யுக்தா மாயா கவிதைகள் - இணைப்பு
2. கவிஞர் நெகிழன் கவிதைகள் - இணைப்பு
3. கவிஞர் பெரு.விஷ்ணுகுமார் கவிதைகள் - இணைப்பு
4. கவிஞர் சோ.விஜயகுமார் கவிதைகள் - இணைப்பு
5. கவிஞர் சஹானா கவிதைகள் - இணைப்பு
6. கவிஞர்  ஜெ.ரோஸ்லின் கவிதைகள் - இணைப்பு

அமர்வு நடத்தும் கவிஞர்களின் சில கவிதைகள்: 

1.

படையலுக்கும் 

அம்மாவிற்கும் இடையே

எப்போதும் ஒரு விளக்கு இருக்கிறது

அதை ஏற்றித்தான் அவள்

அந்தச் சுவரில் உள்ள படங்களை

எங்களுக்குத் தெய்வமாக்கினாள்

  • சோ. விஜயகுமார்


2.

நான் அவளை

சிறுவிரல் பற்றி

அழைத்து வருவேன்

நீங்கள் இந்த 

உலகை கொஞ்சம்

ஒழுங்குபடுத்தி வைக்கிறீர்களா?

  • ஆனந்த் குமார்


3.

அனாதை இல்லங்களில் 

அனாதைக் குழந்தைகள்

பிரார்த்தனையில் ஈடுபடுவதைப்

புரிந்துகொள்ள முடிந்ததில்லை

அவர்கள் எந்தக் கடவுளிடம் 

வேண்டிக்கொள்கிறா்கள்?

அவர்களை

அனாதைகளாக விட்ட 

கடவுளிடமா?

  • போகன் சங்கர்


4.

“ஏமாற்றுப் பேர்வழி”

எடை தூக்க

என்னையே அழைப்பாள்

கர்ப்பிணி மனைவி

ஒருநாள்கூடக் கேட்டதில்லை

அவள் தூக்கி வைத்திருந்ததை

கொஞ்சம் வாங்கிக்கச் சொல்லி

நானும் பார்த்தேன்

என்னடா இவள் இப்படி

பண்ணுகிறாளேயென்று

அவள் மட்டும்தான் சுமப்பாளாம்


ஒரு நாள்

கேட்டேவிட்டேன்

அவள் புன்னகையுடன்

கையில் தந்தாள்

அது அப்படி ஒன்றும் கனமாய்

இல்லை

சரியான ஏமாற்றுப் பேர்வழி

  • மதார்

Comments

Post a Comment

Popular posts from this blog

ஓசூர் கவிதை ரசனை முகாம் 2025

நண்பர்களே, ஏப்ரல் 12,13 தேதிகளில் ஓசூரில் விஷ்ணுபுரம் இலக்கிய வட்டம் நடத்தவுள்ள கவிதை முகாமிற்கு வரவேற்கிறோம். இதில் ஆண்கள் பெண்கள் என மொத்தம் சுமார் 50 பேர் பங்கேற்கின்றனர். உங்கள் ஈடுபாட்டாலும் உரையாடலில் காத்திரமான  பங்கேற்பாலும் மட்டும் தான் இம்முகாம் வெற்றி பெறும். கீழே உள்ள கவிதைகள் அனைத்தையும் பங்கேற்பாளர்கள் வாசித்து விட்டு வர வேண்டும்.  முன்பே சொன்னதுபோல உங்களால் அர்த்தம் கொள்ள இயலாத கவிதைகளை கவிஞர் பெயர், அது இடம்பெற்ற புத்தகம் ஆகியவற்றை குறிப்பிட்டு எங்களுக்கு அனுப்புங்கள், அவை அரங்கில் வாசிக்கப்பட்டு அதன் சாத்தியங்கள் எட்டப்படும். பங்கேற்பாளர்கள் அனைவரும் சனி காலை முதல் ஞாயிறு மதியம் வரை அனைத்து அமர்வுகளிலும் பங்கேற்க வேண்டுமென்பது கூட்டாக ஏற்கப்பட்ட விதி. நிகழ்ச்சியில் ஒரு ஆச்சர்யப்படத்தக்க சிறப்பு இணைப்பு உண்டு.  அமர்வுகளுக்கான கவிதைகளின் இணைப்புகள். 1.  கவிஞர் க. மோகனரங்கன் - கவிதையும் மொழி பெயர்ப்பும் 2.  கவிஞர் இசை - எப்படி எழுந்தனவோ 3.  அனங்கன் - ஒரு களம் - நான்கு காவியம் 4.  கவிநிலவன் - பழந்தமிழ் இலக்கியத்தில் உவமைகள் 5.  புதுச...
Read more

கவிஞர் இசை அமர்வு: எப்படி எழுந்தனவோ

  விவாதத்திற்கான முன்குறிப்பு: கவிதையை விளக்க முடியாது என்கிற உறுதியும், அதை விளக்கிப் பார்க்கும் முயற்சியும் ஒரு சேரவே நடந்து வந்திருக்கிறது. கவி கவிதையை விரட்டுவதும், கவிதை கவியிலிருந்து நழுவி விழுவதும் காண அழகான காட்சிகள். நானும் சில அழகான தடுமாற்றங்களை காட்ட முயல்கிறேன். ஒட்டு மொத்தமாக என் கவிதைகள் எப்படி எழுந்து வந்திருக்கக் கூடும் என்பதையும், சில குறிப்பிட்ட கவிதைகள் எழுந்து வந்த சூழல் குறித்தும் பேசிப் பார்க்க முயல்கிறேன். அந்தக் குறிப்பிட்ட சில கவிதைகள் என்னளவில் சாகசமானவை, எனக்கே ஆச்சர்யமானவை. ஆகவே அவற்றைப் பேசுவது கவிதையியலுக்கு உதவக் கூடும். கவிதைகள் கவிஞர்  ஆத்மாநாம் கவிதை: 1. நன்றி நவிலல்

 இந்த செருப்பைப் போல் எத்தனை பேர் தேய்கிறார்களோ இந்த கைக்குட்டையைப் போல் எத்தனை பேர் பிழிந்தெடுக்கப்படுகிறார்களோ இந்த சட்டையைப் போல் எத்தனை பேர் கசங்குகிறார்களோ அவர்கள் சார்பில் உங்களுக்கு நன்றி இத்துடனாவது விட்டதற்கு                                  கவிஞர்  இசையின் கவிதைகள்: 1.  கடவுள...
Read more

கவிஞர் மதார் அமர்வு - கவிதையில் சொல்லாட்சிகள்

விவாதத்திற்கான முன்குறிப்பு: சொல் - உரைநடையில் வைக்கப்படுவதற்கும் கவிதைக்குள் வைக்கப்படுவதற்கும் மலையளவு வேறுபாடு உண்டு. சொல்லே கவிஞனின் கருவி, அதுவே அவனது சொத்து. கவிஞனின் பெரிய தொந்தரவும் கூட சொல்தான். சொல் கவிதையில் எப்படி எப்படியெல்லாம் இயங்குகிறது என்பதையும், புதிய சொல்லாட்சிகள் பிறக்க என்னென்ன காரணிகள் துணை நின்று உதவுகின்றன என்பதையும் ஆராய்வதே இந்த அமர்வின் நோக்கம். கவிதைகள்: அ) சொல் - கவிதைக்கு உள் கூடாரமொன்றினுள் அடுக்கிய டம்ளர் கோபுரத்தின்மீது பந்து எறியப்படுகிறது டம்ளர்கள் சரிகின்றன துளிமோதி நினைவுகள் உதிருமே அதுபோல பெரிய எலும்புத்துண்டை கவ்விய டாபர்மானைப்போல துள்ளுகிறான் எல்லாரும் கைதட்டுகிறார்கள் கூடாரத்தின் பின்னிருந்து மீண்டும் பழையபடி டம்ளர்களை சோர்வோடு கோபுரங்களாய் அடுக்குகிற கிழவனே நீயே நீயேதான் பழஞ்சேர்த்தி ஞாபக அழுத்தி நினைவடர்த்தி மீள்மனதி -ச.துரை ஆ) சொல் - தனியே இயங்கி கவிதையை உருவாக்குதல் மாயையின் பேரெழில் தலைவாசலில் வந்து நிற்கிறது கோழி. கண் விழித்ததும் வாழ்வினில் நுழைந்திடும். இன்னும் பள்ளியில் சேர்க்கப்படாத பாலகியென நிலைப்படியில் நின்று பார்க்கிறது அவநியை தயக...
Read more